الدنيـــــــــا/ رضا محمد السيد

 

طول ما أنت فقير الناس منك تتهرب
ولو صبحت غنى  البعيد عنك يقرب

لو أنت فقير تحس فى وطنك إنك غريب
ولو كنت غنى ومتغرب فالكل لك قريب

أصل الناس كده  تحب إللى معاه فلوس
وإللى مامعهوش الناس عليــــــه تدوس

الغنى لـــو بيخرف الناس تسمع كلامه
والفقير لو كان عالم ما حد يرد سلامه

الدنيــا نعيمها زايل والكل فى النهاية متساوى
وإللى يعرف حقيقتها رخيصــــــة وما تساوى

ياللى أنت عايش ع الدنيا عمال تعمل ذنوب
الدنيــــــــــــــا دى فانية و إمتى بقىَ هتوب