زهرة/ محمد محمد علي جنيدي

لما تلامس أيدك زهره
غير ما بتمسك بيها حديد
واما تكون قادر وبتقوى
خاف من قدرة رب مجيد
واوعى تخاصم من غير لزمه
واللي يحبك حبه وزيد
وبلاش كتر كلام ومكايده
خلى كلامك بس مفيد
واياك تيجي فـ. يوم على دمعه
تبقى عاديت ربك دا أكيد
لو كان لازم صوتك يعلى
كلمة حق بدون ما تزيد
منتاش ضامن فيه إيه بكره
حالك كله جديد فـ. جديد
واختم عمرك نفسك راضيه
قبل ما تبقى فـ. ضلمة وحيد
ربك يلطف عـ. اللي بيجرى
دا احنا بكل غرورنا عبيد