خلينى فى حجرك نايم
خلينى
لا تصحينى
حجرك دافى
حضنك ادفى
خلينى
من الحزن
اتخفى
امانه عليكى بلاش تحكيلى
حكايه الغوول
امانه بلاش
احسن اخاف فى الليل
يطلعلى
يقوم يفزعنى
فيجرى ورايا بالمشوار
فاصرخ وارمح وسط الدار
ارجوكى بلاش
خلينا فى سيره بنت جميله
بتسميها ست الحسن
لما خطفها الديب
وطواها فى بااطه وطااار
وليه الشااطر
خبى فى صدره الحزن
وراح يبكيهاا
وراا الاسواار
وتركهاا فريسه
فى ايد غداره
ما ترحمهااش
ارجوكى بلاااش
وانتى بتحكى
ما تبكى
عنيكى
بلاش
نازله دموعك
سيل وسؤاال
مواال
بيحلم بالهلالى
فارس يشق ضهر الليل
يهزم الصمت العليل
ينتهى زمن الحصاار
ارجوكى لو غاب النهاار
ضمينى ليكى
واحضنينى بدوووون خجل
وبدوون ما نشعرر
باغتراااب
لمى حطاام الاسئله
واطرحينى
فووق همووم الكوون
جوااب
راافض يكوون
رمز لحقااايق
مهمله
خلينى فى حجرك
نايم
خلينى
0 comments:
إرسال تعليق