عيد الاستقلال الـ 70/ عصام ملكي


يا مغترب لبنان وديلو
دقة قلب من هون تشكيلو
جنه لأنو والعيار تقيل
بالنا من الراس فينا نشيل
ومن بالنا ما منقدر نشيلو

منقول بالغربه بفرد لسان
قد الدني بعيوننا لبنان
حنا اخونا وخينا محمود
منحب عا ارضو المحبه تسود
وما يكون عنا تفرقة اديان

لبنان هيكي من قبل ما كان
وبالرغم من هيدا انا انسان
بعيد الوطن ما بغير العاده
بحيي السفير وقنصل بلادي
وحضرة رئيس بلادنا سليمان

اليوم الوطن واقف عا خط النار
ومن ها التعصب لاحقو اضرار
بعيد استقلالنا السبعين
شدو الهمم تا نكون متحدين
العيشه طريق وعمرنا مشوار

نحنا وطن للكل سميناه
ما كان هيكي وقت ما ورتناه
مشوّه ما بدنا بالدني نخلـّيه
لولادنا مفروض تا نعطيه
بالشكل ذاتو متل ما خدناه


CONVERSATION

0 comments: