انتى التاريخ اللى انكتب حروفه نور
إنتى أم الدنيا يابلدى ومع كل الأمم كان ليكِ دور
وسطور حضارتك بالكفاح والعرق خلاص انكتب
كام ألف عام واحنا بنحفره بمية دهب
بحضارة كان ليها العجب
كنتى ودايما حتفضلى إنتى الملاذ للمحرومين
طوق النجاه للحيرانين
حصن الأمان طول السنين
من كتر ماسمعت كلام مابين كده وبين كده
دلوقتى إيه ماعرفش ليه خايف قوى بالشكل ده
يمكن عشان الطماعين والطمعانين
واللى بيحلموا بالسلطه تكون لهم من عشرات السنين
واللى مايعرفوش غير طاعه ومعاها كلمة أمين
واللى يوماتى بألف وش
غدر وخيانة مكر وغش
وبكل لون متلونين
من حقى اخاف منهم واكش
لما ابص كل يوم القى بلدى هايدبحوها السفاحين
بحلم يابلدى ترجعى مصر القوية
وتعيشى لينا وتفضلى دايما ابية
ونفضل نهتف والدنيا كلها تهتف بلادى
تعيشى طول العمر لولادى وولاد ولادى
0 comments:
إرسال تعليق