بكل مرّة بالجرايد ينّشر
عنك خبار، وينشرو معها صور
كان النظر عَ صورتك مني يغيب
مدري شو فيكي يضل ملفت للنظر
وكل مرة؟؟ كل مرة شي عجيب
تبقى الصور بالبال.. ويضيع الخبر
ولما سمحلي الحظ شوفك عن قريب
صرت وجّ بوجّ قدام القمر
عرفت انو بالحلا ظنّي مُصيب
لم شافت عيوني حلاكي المنتظر
تتنقلي؟.. وجسم الغزال يفوح طيب
وتحكي؟.. وشو تتلفظي يطلع دُرر
حكيتي نثر.. كان النثر لغة اديب
حكيتي شعر.. نقلة الريشة عالوتر
عَ ها النباهه والحلا اسم الصليب
الله يرد الضّيم عنك والخطر
0 comments:
إرسال تعليق