إللى يزعل منه حد
يبقىَ إنسان جاهل
أصل الدنيا دى بجد
رخيصة ما تستاهل .
ياليل مهما طـــــــــــولت
من بعدك رح يجى صباح
ويا إللى فى الدنيا إتبهدلت
مســـــــيرك بكرة هترتاح .
لكل واحــــــــــــد فينا
أربعين واحــــد شكله
منا إللى راكب سفينة
وإللى غرقان فى مشاكله .
الحب عمره ما كان بالـكلام
الحب ده إحساس ومشاعر
الحب مش محتاج عـــــلام
الحب يخليك أحسن شاعر .
سهران أعد النجوم
وحبيبى جوه نايم
زعجت جُلتله جوم
حلف ما هو جايم .
عين الرضا مـــا تشوفش أى عيوب
وديماً عن صحــــابها راضية
وعين الغضب تشوف العدل مقلوب
وتبص لنص الكوباية الفاضية .
يـــــا دنيا إيه حصلك
وكترت فيكى العيبه
الكلب عِلى ووصـلك
والأسد مالوش هيبه .
مش عارف ليه الناس
صبحوا بـــــ 100 وش
وماعدش فى إخـــلاص
والكــــل بيتعامل بغش .
يا إللى أنت ملهى فى دنيتك
بالفيس والنت ديماً مشغول
مش هتاخد إيه غـــير قطنتك
لا لاب توب ولا محـــــــمول .
حمال الهموم من صُغرى
ولا عـــمرى شفت دلــع
بتعامل مع الناس دوغرى
ومـــاليش فى اللــــــوع .
إبنى إبنك
يعنى علمه وأسسه
وما تبنيش لأبنك
يطلع جاهل وتوكسه
0 comments:
إرسال تعليق