القاهرة مدير مكتب مجلة الغربة : اشرف علي
لم تخش لدغات النحل ولا زئير الاسود ولا اعاصير الطبيعة قررت ان تقتحم عالم المعلوم والمجهول وتصور عالم المخلوقات من انس و وطيور وحيوانات في دنيا ،،مافيهاش لا غش،، ولا خداع ولكن فيها لقطات فنية لمصورة شابة موهوبة اخترقت عالم المجهول وعادت باحلى اللقطات برصيد صوري يزيد عن الف صورة وصورة هدى محروس تبوح باسرار كادراتها لمجلة الغربة
لم تخش لدغات النحل ولا زئير الاسود ولا اعاصير الطبيعة قررت ان تقتحم عالم المعلوم والمجهول وتصور عالم المخلوقات من انس و وطيور وحيوانات في دنيا ،،مافيهاش لا غش،، ولا خداع ولكن فيها لقطات فنية لمصورة شابة موهوبة اخترقت عالم المجهول وعادت باحلى اللقطات برصيد صوري يزيد عن الف صورة وصورة هدى محروس تبوح باسرار كادراتها لمجلة الغربة
وتقول هدى محروس المصورة الشابة التصوير البادية عندى كانت هواية من وانا صغيرة... كلما كبرت ك ازداد حبي وولعي بالتصوير واكتشف فية اشياء اكثركانت بداياتي الاولى عندما اشتريت كاميرا عادية جدا وكنت اقوم بها بتصوير زملائي وزميلاتي حتى اصبحت انا المصورة الخاصة للعائلة والجيران والاقارب وكلما احتاجوا لقطات تذكارية لاية ح مناسبات يحتفلون بها كانوا يطالبونب بان اخذ دوري كمصورة حتى انني كنت اسافر احيانا الى اسوان ومرسى مطروح لالتقاط صور المناسبات التذكارية
بعد تخرجي في الثانوية العامة قمت بالالتحاق باكايديمة السينما قسم دراما ونقد مسرحى يعنى مسرح و سينما ...ف السنة الثاثلة بدات ادرس مادة التصويير السينمائى و ابتديت احبة ويحببنى اكتر في التصوير فابتديت اقرا فية اكتر والمادة اللى جبت فيها امتياز الوحيدة الترم دة كانت عن النقد السنمائى و تحليل المشاهد وكدة
بعد م اتخرجت من الكلية قررت انى احترف التصوير و بالفعل جبت الكاميرا البروفيشنال وابتديت اتعلم اكتر واخد كورسات اكتر واستفاد اكتر واكتر
وابتدت الكاميرا تبقى صديقتى الصدوقة اللى عمرها مبتفارقنى بقيت اخدها معايا ف اى مكان اروحة
وابتديت التصوير واعرف كل انواعة و طرق التصوير
اما عن تصوير الحشرات ف كانت لية دايما مواقفة معايا اول مرة صورت حشرة مانت اسمها dragon fly حشرة الوانها رائعة وجذابة بس كنت كل مصورها تتطلع مش مظبوطة مهزوزة فضلت وراها لحد مصورتها و كنت هقع ف المياة وانا بصورها
بس بعد مروحت البيت وشوفت الصورة كل التعب راح وجة مكانة سعادة بانى اخدت صورة كويسة
بدة كنت بصور نحلة وهى واقفة على زهرة كل ماجى اصورها تيجى عليا عاوزة تقرصنى اصل انا رخمة زهقتها ف عيشتها وهى بتاكل هههههه
بس بردة فضلت وراها لحد م صورتها
بس كدة
اما عن لقب مصورة والبنت تصور وكدة طبعا واجهت تعليقات كتير سخيفة ومعاكسات بالهبل بس د كلة موقفنيش بالعكس لان زى مفى ناس جهلة او معندهاش وعى فية ناس كتير عندها وعى وثقافة وانا مش هخلى الجهل يوقفنى....
بقى عندى حب انى اصور كل حاجة واعرف كل حاجة وقواعدها ف التصوير ف اتجهت لتصوير الخيول اخدت فية كورس وصورت فية الحمدلله راضية عن النتيجة بتاعتة وعشقت فن تصوير الخيول لانة فعلا ابداع و حياة تانية مختلفة عن اى تصوير كائن اخر لانك بتشعر انك امام حيوان يشعر بقيمة نفسة بل و يتباهى بنفسة اكتر عندما يرى عدسات الكاميرات تحاوطة وتحاول التقاط صورا لة فتجد انة اتخد وضعة الجمالى وبدا باستعراض عضلاتة وجمالة الاصيل
والحمد لله كل يوم بالنسبة ليا بيبقى احسن من اللى قبلة لانى بتعلم حاجة جديدة و بصور حاجات جديدة وان شاء الله طموحاتى انى ابقى مصورة مشهورة و معروفة واكون بقيت اعرف اصور كل حاجة واتعلمت كل حاجة ف التصوير
0 comments:
إرسال تعليق